စီမံကိန်းများ
တရုတ် | ကာဇက်စတန် | ကမ္ဘောဒီးယား | မြန်မာ
တရုတ်
တရုတ်နိုင်ငံဟာ BRI ၏ အစိတ်အပိုင်းဖြစ်သော ဒီဂျစ်တယ်ပိုးလမ်းမ စတင်ရာ နိုင်ငံဖြစ်သည်။ ဒီဂျစ်တယ် ပိုးလမ်းမသည် လတ်တလောမှ ပေါ်ပေါက်လာသော ဖြစ်စဉ်တစ်ခုဖြစ်သော်လည်း သက္ကရာဇ် ၂၀၀၀ ခုနှစ်များ အစောပိုင်းကတည်းက တရုတ်နည်းပညာ စီးပွားရေးလုပ်ငန်းများသည် နိုင်ငံခြားစျေးကွက်များသို့ ချဲ့ထွင်နေပြီးဖြစ်ကာ အခြေခံအဆောက်အအုံ၊ ကွန်ပျူတာစက်ပစ္စည်းများ၊ e-commerce၊ ဆိုရှယ်မီဒီယာ၊ ဗီဒီယိုဂိမ်း အစရှိသော နယ်ပယ်အမျိုးမျိုးတွင် အရေးပါသော နေရာမှ ပါဝင်ခဲ့သည်။ တရုတ်နိုင်ငံတွင် လုပ်ဆောင်မည့် ကွင်းဆင်းလေ့လာမှုဟာ ဒီဂျစ်တယ်ပိုးလမ်းမ၏ "ထုတ်ကုန်ပို့ကုန် အခန်းကဏ္ဍ"ကို အာရုံစိုက်မည်ဖြစ်ပြီး မူဝါဒများ၊ အတွေးအမြင်များ၊ ဗျူဟာများ နှင့် စက်ပစ္စည်းများကို အကြီးတန်း အဆင့်တွေ နားလည်ရန်ပြုလုပ်ကာ ၎င်းတို့အနေဖြင့် နိုင်ငံသုံးနိုင်ငံ၌ အခြေခံအဆင့်တွင် ဖြစ်ပေါ်လာမည့် အကျိုးသက်ရောက်မှုကိုလည်း နားလည်သိရှိရန် ပြုလုပ်မည်ဖြစ်သည်။ ကျွန်ုပ်တို့သည် ဒီဂျစ်တယ်ပိုးလမ်းမ၏ ဇစ်မြစ်နှင့် ရှေးဦးသာဓကများနှင့် တရုတ်နည်းပညာ ကုမ္ပဏီများ၊ စီးပွားရေး စွန့်ဦးစွမ်းဆောင်ရှင်များက ၎င်းတို့၏ ထုတ်ကုန်များနှင့် ကုမ္ပဏီများကို "ကမ္ဘာ့အခြားဒေသများအတွက် လိုက်လောညီထွေအောင်" ပြုလုပ်သော ဗျူဟာများကို နားလည်ရန် ယဉ်ကျေးမှု သရုပ်ခွဲလေ့လာစူးစမ်းမှု နည်းလမ်းကို အသုံးချပါသည်။
ကာဇက်စတန်
ကာဇက်စတန်သည် BRI ဖော်ဆောင်ရေးအတွက် တရုတ်၏ အဓိက အရးပါသော မိတ်ဖက်နိုင်ငံ တစ်နိုင်ငံဖြစ်ပြီး ၂၀၁၄ ခုနှစ် စက်တင်ဘာလတုန်းက သမ္မတ ရှီကျင့်ဖျင်ဟာ ကာဇက်စတန်၏ မြို့တော် (ယခင် အက်စ်တာနာခေါ်) နျူဆူလ်တန်ရှိ နာဇာဘာယက်ဗ် တက္ကသိုလ်သို့ လာရောက်လည်ပတ်စဉ်က ပထမဆုံး ကြေညာခဲ့ပါသည်။ ထိုစဉ်ကတည်းက တရုတ်သည် အခြေခံအဆောက်အအုံ စီမံကိန်းအမျိုးမျိုး အပါအဝင် ဒီဂျစ်တယ် အခြေခံအဆောက်အအုံ၊ e-commerce၊ ဒေတာ စင်တာ၊ စမတ်စီးတီး စီမံကိန်းများ၊ ဘဏ္ဏာရေးနည်းပညာ (fintech)၊ ရိုးရာ စက်မှုလုပ်ငန်းများအား ဒီဂျစ်တယ် နည်းပညာပြောင်းလဲခြင်း စသည်ရှိသည်တို့ကို အကြီးအကျယ် ရင်းနှီးမြှုပ်နှံခဲ့ပါသည်။ ကာဇက်စတန်ရှိ ကျွန်ုပ်တို့ လုပ်ငန်းများသည် အထက်မှအောက်ခြေသို့ ကာဇက်စတန် အစိုးရမှ တရုတ်မိတ်ဖက်များနှင့် ပြုလုပ်သော အစိုးရရ ဒီဂျစ်တယ်နည်းပညာကူးပြောင်းရေး စီမံကိန်းများနှင့်အတူ အောက်ခြေမှအထက်သို့ တရုတ်ကုမ္ပဏီများမှ ဒေသအတွက်လိုက်လျောညီထွေအောင်ပြုလုပ်သော ဗျူဟာများအပါအဝင် ဒေသခံ ဒီဂျစ်တယ် စီးပွားရေး စွန့်ဦးစွမ်းဆောင်ရှင်များနှင့် ၎င်းတို့၏ ဆက်ဆံရေးတို့ကို အာရုံစိုက်ပြုလုပ်ပါသည်။
ကမ္ဘောဒီးယား
ကမ္ဘောဒီးယားဟာ ရပ်ဝန်းတစ်ခု လမ်းကြောင်းတစ်ခု ဖော်ဆောင်မှု (BRI) ၏ တက်ကြွသော လက်တွဲလုပ်ဆောင်ဖော် နိုင်ငံတစ်နိုင်ငံ အဖြစ်လည်းကောင်း၊ တရုတ်နိုင်ငံအား အထူးသဖြင့် အာဆီယံ ရပ်ဝန်းတွင် ကမ္ဘာ့အရေးပါ နိုင်ငံတစ်နိုင်ဖြစ်ရန် အားထုတ်မှုတွင် အားတက်သရော ထောက်ပံ့သော နိုင်ငံတစ်နိုင်ငံ အဖြစ်လည်းကောင်း၊ တရုတ်နိုင်ငံ၏ ငွေကြေးရင်းနှီးမြှုပ်နှံမှု၊ ကူညီထောက်ပံ့မှုနှင့် ယဉ်ကျေးမှုရေးရာ သံတမန်ခင်းခြင်းကို သိသိသာသာ လက်ခံသော နိုင်ငံတစ်နိုင်ငံ အဖြစ်လည်းကောင်း ဖြစ်သည်။ တရုတ်အငွေ့အသက်များဟာ ဖနွမ်ပင်နှင့် BRI ၏ ရေကြောင်းသွားလာမှုအတွက် ပဓာနကျသည့် ရေနက်ဆိပ်ကမ်းရှိသော သီဟန်နုခ်ဗေးလ် ကဲ့သို့သော မြို့ပြဒေသများတွင် ထင်ရှားမြင်သာပါသည်။ တရုတ်သည် ဒီဂျစ်တယ် အခြေခံအဆောက်အအုံ နှင့် e-commerce တို့တွင် အရေးပါသော ရင်းနှီးမြှုပ်နှံမှုများ ပြုလုပ်ထားပြီး တရုတ်ဖုန်းများနှင့် အခြားဒီဂျစ်တယ်နည်းပညာများသည် မြို့ပြကော ကျေးလက်ဒေများတွင်ပါ ပြန့်နှံ့နေပါသည်။ ကမ္ဘောဒီးယားတွင်ရှိ ကျွန်ုပ်တို့၏ လုပ်ငန်းများသည် ပြည်သူများ၏ နေ့စဉ်ဘဝရှိ တရုတ် နည်းပညာနှင့် နိုင်ငံအတွင်း ရင်းနှီးမြှုပ်နှံနေသော တရုတ်နည်းပညာ ကုမ္ပဏီများဖြစ်သော လူတိုင်းသိ Huawei နှင့် Alibaba တို့အပါအဝင် အသေးစား တရုတ်ပိုင် ကုမ္ပဏီငယ်များနှင့် စပ်တူစီးပွားရေးလုပ်ငန်းများကို အာရုံစိုက်လေ့လာပါသည်။
မြန်မာ
မြန်မာနိုင်ငံဟာ တရုတ်နိုင်ငံ၏ ခေတ်သစ်ပိုးလမ်းမ(BRI)အား ကုန်းတွင်းပိုင်းမှတစ်လျှောက် ရေလမ်းကြောင်းသို့ ချိတ်ဆက်ပေးနေသော နိုင်ငံတစ်နိုင်ငံ ဖြစ်သလို ဒီဂျစ်တယ် ပိုးလမ်းမ၏ အရေးပါသော အစိတ်အပိုင်းတစ်ခုလည်း ဖြစ်သည်။ တရုတ်နိုင်ငံဟာ ဒီဂျစ်တယ် အခြေခံအဆောက်အအုံ၊ အင်တာနက် စီးပွါးရေးစနစ်၊ မိုဘိုင်း ငွေပေးချေမှု စသည်တို့ကို ရင်းနှီးမြှုပ်နှံနေသလို တရုတ်လူမှုမီဒီယာ၊ မိုဘိုင်းဂိမ်းများ၊ ဖျော်ဖြေရေး အက်ပလီကေးရှင်းများသည်လည်း မြန်မာနိုင်ငံရှိ လူငယ်များအကြား ရေပန်းစားလာနေသည်။ တရုတ်ဒီဂျစ်တယ် နည်းပညာ ပလက်ဖောင်းများဟာ လူမှုနေ့စဉ်ဘဝနှင့် လူနေမှုပုံစံယဉ်ကျေးမှုတို့အပေါ် တရုတ်နိုင်ငံပြင်ပတွင်လည်း သက်ရောက်နေပုံနှင့် ပုံသွင်းပုံတို့ကို နားလည်နိုင်ရန်အလို့ငှါ ကျွန်ုပ်တို့သည် မြန်မာနိုင်ငံရှိ လူငယ်များ တရုတ်နည်းပညာနှင့် အက်ပလီကေးရှင်းများကို ရွေးချယ်ပုံ၊ လိုက်လျော်ညီထွေအောင် အသုံးချပုံ၊ ရှုမြင်ပုံနှင့် ဆန့်ကျင်ပုံ စသည်တို့အား လူနေမှုဘဝနှင့်ယဉ်ကျေးမှု သရုပ်ခွဲလေ့လာစူးစမ်းမှုဖြင့် သုတေသန ဆောင်ရွက်နေပါသည်။